Qazaxıstan Prezidenti ən yüksək rütbəyə sahibi oldu
Dünya Taekvondosunun rəhbəri Çunqvon Çou Qazaxıstan Prezidenti Kasım-Jomart Tokayevə doqquzuncu dan qara kəmər təqdim edib.
TodayPress TV Qazaxıstan Prezidentinin Mətbuat Xidmətinə istinadən xəbər verir ki, kəməri aldıqdan sonra Tokayev bir zərbə ilə taxta lövhəni sındırıb.
“Prezident məşq lövhəsinin üzərinə imzasını qoyub, daha sonra Çunqvon Çounun xahişi ilə taekvondo ənənələrinə uyğun olaraq, lövhəni sındırıb".
Tokayev və Çou arasında görüş Astanada G1 kateqoriyalı "Kazakhstan Open 2025" beynəlxalq turnirinin startı ərəfəsində baş tutub.
Qeyd edək ki, doqquzuncu dan qara kəmər taekvondoda ən yüksək rütbə hesab olunur.
Namiq HUN
