Dəniz xiyarı xərçənglə mübarizədə effektivdir

Missisipi Universitetinin alimləri dəniz xiyarında xərçəngin inkişafında rol oynayan "Sulf-2" adlı fermenti bloklaya bilən şəkər əsaslı bir maddə kəşf ediblər. 

TodayPress TV xəbər verir ki, bu maddə xərçəng hüceyrələrinin böyüməsini və immun sistemindən yayınmasını çətinləşdirir.

Araşdırmalar göstərib ki, dəniz xiyarındakı bu birləşmə fermentin aktiv hissəsinə yapışaraq onu zərərsizləşdirir. Ən əsası, maddə yan təsir yaratmadan və qan laxtalanmasına zərər vermədən işləyir.

Tədqiqatçılar bildiriblər ki, bu maddənin dərman formasına çevrilməsi üçün hələ uzun yol var. Əsas problem təbii xammalın azlığı və istehsalın baha olmasıdır. Gələcəkdə onu biomühəndislik və ya süni sintez yolu ilə əldə etmək planlaşdırılır.

Türkan İsgəndərli