Futbolçularımız Qəbələdə meydana çıxacaq: Rəqiblər Moldova və Yaponiyadır
Qəbələdə təlim-məşq toplanışında olan 20 yaşadək futbolçulardan ibarət Azərbaycan milli komandası hazırlığın ikinci mərhələsi çərçivəsində iki yoldaşlıq görüşü keçirəcək.
TodayPress TV xəbər verir ki, U-20 millimiz oktyabrın 3-də Moldova, oktyabrın 6-da isə Yaponiya yığması ilə üz-üzə gələcək.
Hər iki qarşılaşma Qəbələ şəhər stadionunda baş tutacaq.
Qeyd edək ki, U-20 milli komandamızın təlim-məşq toplanışının ikinci mərhələsi sentyabrın 24-dən oktyabrın 6-dək davam edəcək.
Namiq HUN
