Fransalı forvard “Real”dan ayrı düşdü

Kilian Mbappe ABŞ-də xəstəxanaya yerləşdirilib.

TodayPress TV xəbər verir ki, “Real Madrid” klubunun rəsmi saytında yayılan məlumata görə, fransalı hücumçu Kilian Mbappe kəskin qastroenterit diaqnozu ilə ABŞ-də xəstəxanaya yerləşdirilib.

“Futbolçumuz Kilian Mbappe kəskin qastroenteritdən əziyyət çəkir və müvafiq analizlərdən keçməsi, eləcə də lazımi müalicəni alması üçün xəstəxanaya yerləşdirilib”, – deyə klubun açıqlamasında bildirilir.

Xatırladaq ki, 26 yaşlı hücumçu xəstəlik səbəbilə klublararası dünya çempionatının ilk turunda Səudiyyə Ərəbistanının “Əl-Hilal” klubuna qarşı oyunu buraxıb. “Real” həmin qarşılaşmadan 1:1 hesablı heç-heçə edib.

“Real Madrid” mundial çərçivəsində iyunun 22-də Meksikanın “Paçuka” klubu ilə qarşılaşacaq. 

Namiq HUN