Çempionun göz yaşları: Zverev diabet diaqnozundan böyük zəfərə gedən yolu anlatdı
2020-ci ilin Olimpiya çempionu, dünyanın iki nömrəli raketkası 29 yaşlı almaniyalı tennisçi Aleksandr Zverev “US Open - 2026” turnirindəki çempionluqdan sonra kortda təsirli nitq söyləyib.
TodayPress TV xəbər verir ki, Almaniya təmsilçisi qələbədən sonra verdiyi müsahibədə anasına müraciət edərək uşaqlıqda ona qoyulan diabet diaqnozunu və anasının dəstəyini xatırladıb:
“Oyunlarımı heç vaxt izləməyən, lakin mənim tennis karyeramda və ümumən həyatımda ən vacib insan olan bir nəfərə təşəkkür etmək istəyirəm. Dördyaşlı oğluna diabet diaqnozu qoyulanda və həkimlər kabinetdəcə bu uşağın həyatının, idman imkanlarının çox məhdud olacağını deyəndə, o kabinetdən çıxıb “Mənim oğlum harada olmaq istəyirsə, orada da olacaq. Tennisçi olmaq istəsə – tennisçi olacaq. Başqa bir işlə məşğul olmaq istəsə – onu edəcək. Amma bu xəstəlik bizim taleyimizi müəyyən etməyəcək” demək üçün inanılmaz dərəcədə güclü bir ana olmaq lazımdır. Anam tanıdığım ən vacib və ən güclü insandır. Onun etdiklərini reallaşdırmaq üçün həqiqətən də mətinsiz bir qadın olmaq gərəkdir”.
Xatırladaq ki, “US Open”in həlledici matçında Aleksandr Zverev dünya reytinqində 9-cu pillədə qərarlaşan ABŞ təmsilçisi Ben Şeltonu məğlub edib (6:3, 7:6 (7:2), 5:7, 6:2).
Namiq HUN
