Səudiyyə Ərəbistanı münaqişədən əvvəl 100 milyon barel neft çıxarıb

"Səudiyyə Ərəbistanı Yaxın Şərqdə münaqişə başlamazdan əvvəl regiondan 100 milyon bareldən çox nefti çıxarıb".

TodayPress TV xəbər verir ki, bunu ABŞ-nin energetika naziri Kris Rayt "ABC" telekanalına müsahibəsində bildirib.

Onun sözlərinə görə, Vaşinqtonun bəzi müttəfiqləri regionda gərginliyin artacağını və İran ətrafında mümkün eskalasiyanı nəzərə alaraq əvvəlcədən tədbirlər görüblər.

“Bəzi müttəfiqlərimiz, o cümlədən Səudiyyə Ərəbistanı və o tək deyil — münaqişə başlamazdan əvvəl 100 milyon bareldən çox nefti Yaxın Şərqdən kənardakı anbarlarda yerləşdirib”, — deyə Rayt bildirib.

Nazir əlavə edib ki, İranın Hörmüz boğazını bağlaya biləcəyi ehtimalı ilə bağlı müxtəlif ssenarilər də hazırlanıb, lakin konkret tədbirlərin nədən ibarət olduğunu açıqlamayıb.

Qiymət Mahir