SEPAH-dan Ağ Evə hədə: "Təkrar hücum olsa..."

İran İnqilab Keşikçiləri Korpusu (SEPAH) ABŞ ordusunun Bəndər-Abbas hava limanı yaxınlığındakı obyektə hücumundan sonra ABŞ hərbi bazasına zərbə endirildiyini bəyan edib.

TodayPress TV xəbər verir ki, SEPAH-ın açıqlamasına görə, ABŞ-nin hücum üçün istifadə etdiyi aviabaza yerli vaxtla saat 04:50-də vurulub.

Bəyanatda bildirilib ki, bu cavab “düşmənə ciddi xəbərdarlıq” xarakteri daşıyır və İrana qarşı istənilən hücum cavabsız qalmayacaq.

“Təkrar hücum daha qətiyyətli cavabla qarşılanacaq. Nəticələrə görə məsuliyyət hücum edənin üzərinə düşür”, – deyə açıqlamada vurğulanıb.

SEPAH, həmçinin bildirib ki, səhər saat 03:35-də dörd gəmi İran təhlükəsizlik qüvvələri ilə koordinasiya aparmadan Hörmüz boğazından keçərək Fars körfəzinə daxil olmağa cəhd edib.

İran tərəfinin məlumatına görə, dəfələrlə edilən xəbərdarlıqlara baxmayaraq gəmilər geri çəkilmədiyi üçün xəbərdarlıq atəşləri açılıb və nəticədə onlar geri dönməyə məcbur olublar.

Qiymət Mahir