Dünyanın nəhəng aviaşirkətləri uçuşları ləğv etdi: Siyahı açıqlandı

İrandakı müharibə səbəbindən qlobal hava nəqliyyatı ciddi şəkildə pozulmaqda davam edir və bu da Dubay, Doha, Əbu-Dabi də daxil olmaqla, Yaxın Şərqin əsas hava limanlarının bağlanmasına səbəb olub.

TodayPress TV xəbər verir ki, “Reuters” agentliyi dünyanın ən böyük aviaşirkətlərinin ləğvləri ilə bağlı son məlumatları açıqlayıb.

Bildirilib ki, Yunanıstanın Egey Hava Yolları şirkəti Təl-Əviv, Beyrut və Ammana uçuşları 22 aprelə qədər, Ərbilə və Bağdada uçuşları isə 24 maya qədər ləğv edib. Dubaya uçuşlar 19 aprelə qədər, Ər-Riyada isə 18 aprelə qədər dayandırılacaq.

“Air Canada” şirkəti 2 maya qədər Təl-Əvivə, 28 marta qədər isə Dubaya uçuşlar planlaşdırmır.

“Air France” şirkəti 21 mart tarixinə qədər Təl-Əviv və Beyruta, eləcə də 24 mart tarixinə qədər Dubay və Ər-Riyada uçuşları ləğv edib. “KLM” şirkəti Ər-Riyad, Dammam və Dubaya uçuşları 17 maya, Təl-Əvivə isə 11 aprel tarixinə qədər dayandıracağını açıqlayıb.

“British Airways” aviaşirkəti Amman, Bəhreyn, Dubay və Təl-Əvivə uçuşların ləğvini 31 maya qədər, Dohaya isə 30 aprelə qədər uzadıb, eyni zamanda Banqkok və Sinqapura uçuşlar da əlavə edib. Əbu-Dabiyə uçuşlar ilin qalan hissəsi üçün planlaşdırılmır.

Honkonqda yerləşən “Cathay Pacific” şirkəti 30 aprelə qədər Dubay və Ər-Riyada sərnişin, həmçinin yük daşımayacaq.

“American Delta Air Lines” şirkəti Nyu-Yorkdan Tel-Əvivə uçuşları 31 maya qədər, Tel-Əvivdən Nyu-Yorka 1 iyuna qədər, eləcə də Atlantadan Tel-Əvivə uçuşları 4 avqusta qədər, Tel-Əvivdən Atlantaya uçuşları isə 5 avqusta qədər dayandırıb.

“Norwegian Air” aviaşirkəti 15 iyunda Təl-Əviv və Beyruta uçuşları bərpa etməyi planlaşdırır. Aviaşirkət qış mövsümünün sonuna, yəni 8 aprel tarixinə qədər Dubaya və Dubaydan bütün uçuşları ləğv edib.

Türk Hava Yolları İraq, Suriya, Livan, İordaniya, Doha, Dubay, Əbu-Dabi, Küveyt, Bəhreyn və Dammam şəhərlərinə uçuşları 19 marta qədər, İrana isə 20 marta qədər dayandıracaq.

Türkiyənin digər aviaşirkəti olan “Pegasus Airlines” İran, İraq, Əmman, Beyrut, Küveyt, Bəhreyn, Doha, Dammam, Dubay, Əbu-Dabi və Şarjaya uçuşları 13 aprelə qədər ləğv edib. Ər-Riyada uçuşlar isə 24 mart tarixinə qədər dayandırılıb.

Aysel Mətləb

TodayPress TV