Daha bir Hindistan təyyarəsində texniki nasazlıq yarandı
San-Fransiskodan Mumbaya uçan "Air India" reysi Kalküta üzərində texniki problem yaşayıb.
TodayPress TV xəbər verir ki, bu barədə "PTI" məlumat yayıb.
Bildirilir ki, "Boeing 787-200 LR" təyyarəsinin mühərriklərindən birində nasazlıq aşkarlanıb və sərnişinlər Kalküta hava limanında təxliyə edilib.
Bir neçə saat sonra texniki işlər zamanı sərnişinlərdən yenidən təyyarəni tərk etmələri istənilib.
Xatırladaq ki, iyunun 12-də "Air India"ya məxsus başqa bir "Boeing 787" təyyarəsi Hindistanın Əhmədabad şəhəri yaxınlığında qəzaya uğrayıb. Təyyarə Londona uçurdu və 242 nəfəri daşıyırdı.
Türkan İsgəndərli
