Britaniyada “Kamelot” parkı sökülür

Britaniyanın Çorli şəhərində yerləşən və Kral Artur əfsanəsindən ilhamlanan “Kamelot” tematik parkının sökülməsi qərara alınıb.

TodayPress TV xəbər verir ki, “The Sun” qəzeti hazırda 2012-ci ildən bəri fəaliyyətsiz olan parkın yerində 80 milyon funt sterlinq dəyərində 350 mənzilin inşa ediləcəyini bildirib.

Ərazinin yenidən planlaşdırılması daha əvvəl – 2014 və 2017-ci illərdə də təklif olunmuşdu, lakin layihələr rədd edilmişdi. Bu dəfə tikinti şirkətləri yeni iş yerləri və bölgədə iqtisadi canlanma vəd edirlər.

Buna baxmayaraq, qonşu Heskin kəndinin sakinləri layihəyə qarşı çıxıb – sənədlərə 25 etiraz və cəmi bir razılıq təqdim olunub. Yerli əhalini vəhşi təbiətin məhv edilməsi, səs-küy, artan nəqliyyat və sosial infrastruktur çatışmazlığı narahat edir.

Qiymət Mahir