Alyaskada 8 nəfərin olduğu təyyarə qəzaya uğradı
ABŞ-nin Alyaska ştatında göyərtəsində 8 nəfərin olduğu təyyarə qəzaya uğrayıb.
TodayPress TV xəbər verir ki, hadisə ştatın qərbində, Kap Nyuenhem ərazisində baş verib.
Təyyarədə 2 pilot və 6 sərnişin olub. Məlumata görə, təyyarə Ankorik şəhərindən havaya qalxıb. Hazırda qəza yerində axtarış-xilasetmə işləri aparılır.
Təyyarədə olan şəxslərin vəziyyəti barədə hələlik məlumat yoxdur. Qəzanın səbəbləri araşdırılır.
