1 Milyon qazandı, amma sahib çıxmadı
Böyük Britaniyada EuroMillions lotereyasının qalibi uduşunu vaxtında tələb etmədiyi üçün 1 milyon funt sterlinqdən məhrum olub.
TodayPress TV xəbər verir ki, bu barədə "BBC News" məlumat yayıb.
Qalib bilet 4 noyabr 2025-ci ildə Bornmut şəhərində alınıb. Qalibin mükafatını əldə etmək üçün qanunla müəyyən edilmiş 180 gün vaxtı var idi və bu müddət mayın 3-dən 4-nə keçən gecə başa çatıb.
Lotereyanın nümayəndəsi Endi Karter bildirib ki, qalibin tapılması istiqamətində aparılan axtarışlar nəticəsiz qalıb. Onun sözlərinə görə, tələb olunmayan mükafat məbləği bundan sonra Bornmut və ətraf ərazilərin abadlaşdırılması layihələrinə yönəldiləcək.
Jalə Rövşən
