“Ginnes”də yeni Azərbaycan rekordu!
Azərbaycan stolüstü tennisçisi Nihad Məmmədov adını “Ginnesin Rekordlar Kitabı”na yazdırıb.
TodayPress TV xəbər verir ki, bununla bağlı müvafiq qurum tərəfindən rəsmi təsdiq sənədi təqdim olunub.
Qeyd edək ki, Azərbaycan millisinin üzvü bu ilin aprel ayında Bakıdakı “Şüa” İdman Kompleksində təşkil olunan mərasim zamanı topu uzaq məsafədən oyuna daxil etmə üzrə dünya rekordunu yeniləməyə cəhd edib.
Nihad Məmmədov Azərbaycan Gənclər və İdman Nazirliyinin, Azərbaycan Stolüstü Tennis Federasiyasının nümayəndələrinin və beynəlxalq dərəcəli hakim Zaur Mikayılovun nəzarəti altında bu zərbəni 18,20 metr məsafədən uğurla yerinə yetirib.
Bununla da o, türkiyəli Osman Gürcüyə məxsus olan 17,50 metrlik əvvəlki dünya rekordunu geridə qoyub.
Namiq HUN
