Livanın cənubunda dron hücumu: İsrail əsgəri ağır yaralandı
Livanın cənubunda fəaliyyət göstərən İsrail qüvvələrini hədəf alan partlayıcı yüklü dron hücumu nəticəsində bir İsrail əsgəri ağır yaralanıb.
TodayPress TV xəbər verir ki, bu barədə İsrail ordusunun bəyanatında məlumat verilib.
Bildirilib ki, əsgər Livanın cənubunda partlayıcı dronun zərbəsi nəticəsində ağır xəsarət alıb. Yaralının tibbi yardım göstərilməsi üçün xəstəxanaya təxliyə edildiyi qeyd olunub.
Hərbçilər əlavə ediblər ki, İsrail qüvvələrinin Livanın cənubunda fəaliyyət göstərdiyi ərazidə əlavə raket və dronlara qarşı önləyici raketlər də buraxılıb.
Aysel Mətləb
