Manqo püresi idmançılarda iltihabı azaldır, bərpanı sürətləndirir

Manqo püresinin gündəlik qəbulu intensiv məşqlər zamanı idmançılarda iltihab göstəricilərinin azalması və əzələ bərpasının yaxşılaşması ilə əlaqələndirilib.

TodayPress TV xəbər verir ki, bu nəticə Tailandın çimərlik voleybolu üzrə milli komandasının üzvləri üzərində aparılan və "Nutrients" jurnalında dərc olunan araşdırmada əksini tapıb.

Pilot tədqiqat çərçivəsində idmançılar dörd həftə ərzində hər gün 600 qram manqo püresi qəbul ediblər, digər dövrdə isə eyni kalorili plasebo verilib. Qan analizləri göstərib ki, manqo fonunda "C-reaktiv" zülal və "interleykin-6" kimi sistemli iltihab markerləri, eləcə də fiziki yüklənmədən sonra əzələ zədələnməsini göstərən kreatinkinaza səviyyəsi azalıb.

Bununla yanaşı, immun cavab göstəricilərində də dəyişikliklər müşahidə olunub: "CD4+ T" hüceyrələrinin payı və "CD4/CD8" nisbəti artıb ki, bu da intensiv məşqlər dövründə immun sisteminin daha sabit olduğunu göstərə bilər. Araşdırma zamanı idmançıların bədən çəkisi, bədən tərkibi və ümumi enerji qəbulu dəyişməyib.

Qiymət Mahir