Depressiyada olan insanların ölüm riski artır

Yeni aparılan araşdırma göstərir ki, sevdiklərini itirərək uzun müddət yas tutan insanlarda ölüm riski əhəmiyyətli dərəcədə artır. Xüsusilə ürək-damar xəstəlikləri və psixoloji problemlər bu riski yüksəldir.

TodayPress TV xəbər verir ki, tədqiqatda yaxınını itirən və ağır yas simptomları yaşayan şəxslərin ölüm ehtimalının, bu simptomları daha az hiss edənlərə nisbətən daha yüksək olduğu müəyyən olunub.

Bu şəxslər həmçinin daha çox tibbi və psixoloji dəstəyə ehtiyac duyurlar.

Araşdırma zamanı yas əlamətləri ilə əlaqədar sağlamlıq xidmətlərindən istifadə və dərman qəbulunun artdığı da müşahidə olunub. Mütəxəssislər risk altında olan insanların vaxtında müəyyən edilərək lazımi dəstək və nəzarətə yönləndirilməsinin vacibliyini vurğulayırlar.

Türkan İsgəndərli