Fransada böyük əməliyyat: Kilian Mbappeni qaçırmaq planı puç oldu!
Fransada Madrid “Real”ının hücumçusu Kilian Mbappeyə hücum və oğurluq hazırlayan 18 yaşlı şəxs həbs edilib.
TodayPress TV xəbər verir ki, bu barədə “The Touchline” “X” sosial şəbəkəsində məlumat yayıb.
Saxlanılan şəxsin əlbirləri olub və bir neçə tanınmış şəxsin oğurlanması planlaşdırılırmış.
Qeyd edək ki, Kilian Mbappe 2024-cü ilin yayından Madrid “Real”ında çıxış edir. Hücumçu “Monako” sisteminin yetirməsidir. O, 2017-ci ildən 2024-cü ilə qədər “Pari Sen-Jermen”də oynayıb. “Real”ın heyətində Kilian UEFA Superkubokunu və Qitələrarası Kuboku qazanıb.
Mbappe Fransa milli komandası ilə 2018-ci il Dünya Çempionatının qalibi olub.
Namiq HUN
