“Çelsi”nin derbi məğlubiyyəti Alonsonu məyus etdi
“Çelsi” klubunun baş məşqçisi Xabi Alonso İngiltərə Premyer Liqasının 3-cü turunda “Arsenal”a 1:2 hesabı ilə məğlub olduqları London derbisindən sonra fikirlərini bölüşüb.
TodayPress TV xəbər verir ki, Alonso BBC-yə açıqlamasında bildirib:
“Bu, ağrılıdır. Məğlubiyyət onsuz da ağrı verməlidir. Çox gərgin oyun oldu və müxtəlif epizodlar yaşandı. Hesabı bərabərləşdirmək üçün şanslarımız oldu. İlk hissədə də bir neçə imkanımız var idi. Məğlub olduğunuz zaman sevinmək mümkün deyil.
Qol vurduqdan sonra 15-20 dəqiqə ərzində həddindən artıq müdafiə olunmalı olduq və oyuna nəzarət baxımından bir qədər çatışmazlığımız var idi. Daha sonra topla daha yaxşı oynadığımız dəqiqələr oldu. Ümumilikdə çox sıx və gərgin qarşılaşma keçdi.
İkinci buraxdığımız qolda daha yaxşı oynaya bilərdik. Bu qolu çox erkən buraxdıq. Oğlanlar əllərindən gələni etdilər, hər şeyi sınadılar. Bu məğlubiyyət ağrı verməlidir.
Söhbət rəqiblə daha yaxşı mübarizə aparmaq üçün mümkün qədər yaxşı hazırlaşmaqdan gedir. Sağ cinahda yaranan yüklənmələrə nəzarət etməliyik. Belə vəziyyətlər oyunun bir hissəsidir. Biz yolumuza davam edirik. Bu, cəmi üçüncü oyundur və qarşıda bizi çox, çox uzun yol gözləyir”.
Qeyd edək ki, bu nəticədən sonra “Çelsi” Premyer Liqanın turnir cədvəlində 6 xalla dördüncü pillədə qərarlaşıb. “Arsenal” isə 9 xalla ikinci sıradadır.
Namiq HUN
