Azərbaycanlı referi 3 oyuna təyinat aldı
FIFA referisi Fəridə Lütfəliyeva UEFA-dan növbəti təyinat alıb.
TodayPress TV xəbər verir ki, o, 17 yaşadək qadınlar arasında Avropa çempionatının seçmə mərhələsinin Albaniyanın Elbasan şəhərinin eyniadlı stadionunda keçiriləcək 3 oyunda hakimlik edəcək.
Fəridə Lütfəliyeva oktyabrın 17-də Yunanıstan – Albaniya, 23-də isə Albaniya – İsrail matçlarının baş hakimi olacaq. FIFA referisi oktyabrın 20-də baş tutacaq Estoniya – Albaniya görüşündə ehtiyat hakim funksiyasını yerinə yetirəcək.
Digər azərbaycanlı referi Sevda Nuriyeva isə hər üç qarşılaşmada baş hakimin köməkçisi funksiyasını icra edəcək.
Namiq HUN
