Azərbaycan cüdoçuları Qrats tatamisində zirvəyə yüksəldi
Azərbaycan cüdoçuları Avstriyanın Qrats şəhərində keçirilən Avropa Kubokunda uğurlu çıxış edərək beş medal əldə ediblər.
TodayPress TV xəbər verir ki, millimiz yarışda iki qızıl və üç bürünc medal qazanıb.
Bu nəticə ilə yığmamız oğlanların mübarizəsində ikinci, ümumi medal sıralamasında isə üçüncü yeri tutub. Turnirin son günündə Azərbaycan cüdoçuları dörd medal əldə ediblər. 90 kq çəki dərəcəsində çıxış edən Süleyman Şükürov bütün rəqiblərinə qalib gələrək qızıl medala sahib olub.
Həmin çəkidə mübarizə aparan Aslan Kotsoyev bürünc medal qazanıb. Roman Qarayev (81 kq) və Ramazan Əhmədov (100 kq) da yarışın bürünc mükafatçıları olublar.
Qeyd edək ki, turnirin ilk günündə Məhəmməd Musayev (66 kq) fəxri kürsünün ən yüksək pilləsinə qalxaraq Azərbaycan komandasına ilk qızıl medalı qazandırıb.
Namiq HUN
FOTOLAR
