Myanmada 5,2 bal gücündə zəlzələ oldu
Myanma ərazisində 5,2 maqnitudalı zəlzələ qeydə alınıb.
TodayPress Tv xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Zəlzələnin episentri 1,2 milyon insanın yaşadığı Mandalay şəhərindən 85 kilometr cənub-şərqdə yerləşib. Yeraltı təkanların ocağı 35 kilometr dərinlikdə olub.
Hadisə nəticəsində xəsarət alanlar və dağıntılar barədə məlumat daxil olmayıb.
