Gəncədə maşın ağaca çırpıldı - Xəsarət alan var
Gəncədə ağır yol-nəqliyyat hadisəsi baş verib.
TodayPress TV xəbər verir ki, Ozan küçəsində qeydə alınan qəza zamanı “Mercedes” markalı maşınla “Lada Priora” markalı avtomobil toqquşub.
Zərbənin təsirindən “Lada” markalı maşın ağaca çırpılıb.
Qəza nəticəsində 2000-ci il təvəllüdlü Kamil Süleymanov müxtəlif dərəcəli bədən xəsarətləri alıb.
Hadisə ilə bağlı araşdırma başlanılıb.
