Bişkek dünyanın diqqət mərkəzində!: 17 dövlətin rəhbəri sammitə qatılır
17 dövlətin və bir sıra beynəlxalq təşkilatların rəhbərləri, o cümlədən BMT-nin baş katibi Antonio Quterreş sentyabrın 1-də Qırğızıstanın paytaxtında keçiriləcək Şanxay Əməkdaşlıq Təşkilatının (ŞƏT) sammitində iştirak edəcəklər.
TodayPress TV xəbər verir ki, təşkilata üzv ölkələrin liderləri ilə yanaşı, sammitə Azərbaycan Prezidenti İlham Əliyev, Ermənistanın Baş naziri Nikol Paşinyan, Monqolustan Prezidenti Uxnaaqiyn Xurelsux, Toqo hökumətinin rəhbəri For Qnasinqbe, Türkiyə Prezidenti Rəcəb Tayyib Ərdoğan, Laos Prezidenti Thongloun Sisoulith, Vyetnamın vitse-prezidenti Vo Thi Anh Xuan və Misirin vitse-prezidenti Hüseyn İsa da qatılıblar.
Sammitə, həmçinin ŞƏT-in Regional Antiterror Strukturunun İcraiyyə Komitəsinin direktoru Ularbek Şarşeyev, MDB-nin Baş katibi Sergey Lebedev, KTMT-nin Baş katibi Taalatbek Masadıkov, Avrasiya İqtisadi Komissiyasının Kollegiyasının sədri Bakhytjan Sagintayev və Asiyada Qarşılıqlı Fəaliyyət və Etimad Tədbirləri üzrə Müşavirənin Baş katibi Kayrat Sarybay gəlib.
Planlaşdırıldığı kimi, danışıqların yekununda təşkilatın 25 illiyinə dair bəyannamə, çoxtərəfli əməkdaşlığın gücləndirilməsinə və təşkilatın fəaliyyətinin təkmilləşdirilməsinə yönəlmiş sənədlər və qərarlar imzalanacaq.
Keçiriləcək yüksək səviyyəli görüşdə BMT-nin və beynəlxalq hüququn mərkəzi əlaqələndirici rolunun gücləndirilməsi, eləcə də davamlı inkişafın təşviqi və qarşılıqlı faydalı əməkdaşlığın genişləndirilməsi məsələləri ətrafında fikir mübadiləsi aparılacaq.
Aysel Mətləb
