Rusiyanın əsas raket-kosmik mərkəzinə "Flamingo" hücumu - VİDEO

Bu səhər Samara şəhərindəki Rusiyanın Proqress Raket və Kosmik Mərkəzinə (RKM) Flamingo raketləri hücum edib.

TodayPress TV xəbər verir ki,  "Unian"ın məlumatına görə, Samara vilayətinin qubernatoru  Vyaçeslav Fedorişev obyektin dağıdılmasını təsdiqləyib, lakin hansı müəssisəyə hücum edildiyini dəqiqləşdirməyib.

Proqress Raket və Kosmik Mərkəzi, Starlink analoqu hesab edilən Rusiyanın Rassvet rabitə sistemi üçün peyklərin buraxılması üçün istifadə olunan Soyuz-2.1b buraxılış vasitələri istehsal edir. Yaxınlıqda təyyarə təmiri və modernləşdirilməsi üzrə ixtisaslaşmış Aviakor təyyarə zavodu yerləşir. İlkin məlumatlara görə, yanğın təyyarələrin yığıldığı 106 nömrəli binada baş vermiş ola bilər.

Bundan əlavə, partlayışlardan sonra Nijni Novqorod bölgəsində, Savasleyka aerodromunun yaxınlığında yanğın baş verdiyi bildirilib.

Nəşr qeyd edib ki, Kinjal hipersəs raketlərini daşıyan MiQ-31K qırıcı təyyarələri orada yerləşir. 

Jalə Rövşən