2026-cı ildə Almaniya Ukraynaya maliyyə yardımını artıracaq
Almaniya hökuməti 2026-cı ildə Ukraynaya maliyyə yardımını 3 milyard avro artırmaq niyyətindədir.
TodayPress TV xəbər verir ki, bunu Almaniyanın vitse-kansleri və maliyyə naziri Lars Klinqbeyl bildirib.
“Büdcə düzəlişlərinə dair iclasda biz Ukraynanın möhkəmləndirilməsi üçün əlavə olaraq daha 3 milyard avro ayıracağıq”, – o deyib.
Klinqbeyl həmçinin xatırladıb ki, Almaniya Ukraynanın ən böyük Avropa donorudur.
Qeyd olunur ki, hazırda Bundestaqda 2026-cı il dövlət büdcəsi layihəsi üzrə müzakirələr yekunlaşmaq üzrədir.
