Bəzi rayonlara dolu düşəcək, külək güclənəcək - XƏBƏRDARLIQ
Azərbaycanın bəzi bölgələrində iyunun 17-18-də gözlənilən küləkli hava şəraiti ilə bağlı sarı xəbərdarlıq verilib.
TodayPress TV xəbər verir ki, bu barədə Milli Hidrometeorologiya Xidməti məlumat yayıb.
Belə ki, Tovuz, Gəncə, Mingəçevir, Qazax, Ağstafa, Daşkəsən, Gədəbəy, Goranboy, Kəlbəcər, Naftalan, Sabirabad, Salyan, Şirvan, Qobustan, Neftçala, Naxçıvan MR-da sarı xəbərdarlığa uyğun olaraq qərb küləyi əsəcək.
Küləyin sürəti 13.9-20.7 m/san təşkil edəcək.
***
16:35
Azərbaycanın bəzi dağlıq və dağətəyi rayonlarında iyunun 17-19-da fasilələrlə yağış yağacağı gözlənilir.
TodayPress TV xəbər verir ki, bu barədə Milli Hidrometeorologiya Xidməti məlumat yayıb.
Ayrı-ayrı yerlərdə yağışın qısamüddətli intensiv olacağı, şimşək çaxacağı, dolu düşəcəyi ehtimalı var.
Yağıntılı hava şəraiti ilə əlaqədar çaylarda sululuğun artacağı, bəzi dağ çaylarından qısamüddətli daşqın və sel keçəcəyi ehtimal olunur.
