Türkiyə XİN sözçüsü: “Süleymaniyədəki hadisələri yaxından izləyirik”

Türkiyə Xarici İşlər Nazirliyinin sözçüsü Öncü Keçeli İraq Kürd Regional İdarəsinin (İKRY) nəzarətində olan Süleymaniyə şəhərində baş verən qarşıdurmalarla bağlı açıqlama verib.

TodayPress TV xəbər verir ki, XİN sözçüsü sosial media hesabında yayımladığı paylaşımda bildirib:

“Süleymaniyə şəhərində baş verən hadisələri İraqın sabitliyi, əmin-amanlığı və vətəndaşlarımızın can təhlükəsizliyi baxımından yaxından izləyirik. Ərbil Baş Konsulluğumuz tərəfindən yerli səlahiyyətli qurumlarla əlaqə saxlanılıb və vətəndaşlarımız üçün zəruri tədbirlərin görülməsi təmin edilib”.

Xatırladaq ki, Süleymaniyədə son günlərdə bir neçə silahlı qarşıdurma baş verib və bölgədə təhlükəsizliklə bağlı gərginlik müşahidə olunur.

Töhfə Səməd