Lavrov: “Putin Zelenski ilə görüşə hazırdır”
“Rusiya Prezidenti Vladimir Putin dəfələrlə Ukrayna lideri Volodimir Zelenski ilə görüşməyə hazır olduğunu bəyan edib. Lakin bu cür görüşün baş tutması üçün əvvəlcə nazirlər və ekspertlər səviyyəsində ali diqqət tələb edən məsələlərin ətraflı şəkildə işlənməsi zəruridir”.
TodayPress TV xəbər verir ki, bu barədə Rusiya xarici işlər naziri Sergey Lavrov keçirdiyi mətbuat konfransında danışıb.
"Prezidentimiz dəfələrlə bildirib ki, o, Zelenski ilə də görüşməyə hazırdır. Ancaq bu, yalnız o halda mümkündür ki, ali səviyyədə müzakirəyə çıxarılacaq bütün məsələlər ciddi şəkildə işlənmiş olsun, ekspertlər və nazirlər uyğun tövsiyələri hazırlasınlar. Təbii ki, həm də gələcəkdə razılaşmaların imzalanması mərhələsinə gəlinəcəyi təqdirdə, Ukrayna tərəfindən bu sənədlərə imza atacaq şəxsin legitimliyi məsələsi də aydınlaşdırılmalıdır", - deyə Lavrov qeyd edib.
Töhfə Səməd
