İsrail və HƏMAS sülh planının ilk mərhələsinə razılaşıb
İsrail və HƏMAS nümayəndələri sülh planının birinci mərhələsinə dair razılaşma əldə ediblər.
TodayPress TV xəbər verir ki, bu barədə ABŞ Prezidenti Donald Tramp “Truth Social” hesabında məlumat yayıb.
“İsrail və HƏMAS sülh planımızın birinci mərhələsini imzalayıb. Bu razılaşma bütün girovların yaxın zamanda azad olunacağı və İsrailin qüvvələrini razılaşdırılmış xəttə çəkməyə başlayacağı anlamına gəlir. Bu, qalıcı və davamlı sülhə doğru atılan ilk real addımdır”, – Tramp qeyd edib.
O, həmçinin vasitəçilik missiyasına görə Qətər, Misir və Türkiyəyə təşəkkürünü bildirib.
Jalə Rövşən
