Qarsiya ÇL-də “Barselona”nın antirekord müəllifinə çevrildi
“Barselona”nın müdafiəçisi Erik Qarsiya UEFA Çempionlar Liqasında (ÇL) klub tarixində ən çox qırmızı vərəqə alan futbolçuya çevrilib.
TodayPress TV xəbər verir ki, bu barədə “MisterChip” Х sosial şəbəkəsində məlumat yayıb.
25 yaşlı futbolçu bu göstəriciyə 1/4 final mərhələsində “Atletiko Madrid” ilə cavab oyununda (2:1) 79-cu dəqiqədə meydandan qovulduqdan sonra nail olub.
Çempionlar Liqasında “Barselona” futbolçularının qırmızı vərəqə statistikası:
3 - Erik Qarsiya
2 - Ronald Arauxo, Pau Kubarsi, Jerar Pike.
Cari mövsümdə Erik Qarciya Çempionlar Liqasında 11 oyunda iştirak edib, lakin məhsuldar göstərici ilə yadda qalmayıb. İspaniya çempionatında isə onun hesabında 29 oyun, 1 qol və 1 assist var.
Namiq HUN
