"iPhone Fold"un dizayn detalları sızdırıldı
Texnologiya sızıntıları ilə tanınan Con Prosser "Apple"ın üzərində çalışdığı iddia edilən "iPhone Fold" modelinin dizayn detallarını paylaşıb.
TodayPress TV xəbər verir ki, şirkət qatlanan telefonlarda ən çox şikayət mövzusu olan “ekran qırışığı” problemini həll edib.
Yeni model qapaqlı deyil, kitab formasında açılan dizayna malik olacaq və qatlanma xətti demək olar ki, görünməzdir. Bu, xüsusi metal lövhə, maye metal texnologiyası və ultra nazik elastik şüşə sayəsində mümkün olub.
“iPhone Fold”un xarici ekranı 5,5 düym, daxili əsas ekranı isə 7,8 düym ölçüsündə olacaq. Cihaz qatlandıqda 9 mm, açıldıqda isə 4,5 mm qalınlığında olacaq.
Türkan İsgəndərli
