Səbinə Əliyeva Ergin Ergül və Nadir Adilovla görüşdü

Ombudsman   Səbinə   Əliyeva   professor   Ergin   Ergül   və   Mediasiya   Şurasının   İdarə Heyətinin sədri Nadir Adilovla görüşüb.

Bu barədə TodayPress TV-yə Ombudsman Aparatının Mətbuat Xidmətindən məlumat verilib.

Azərbaycan Respublikasının İnsan Hüquqları  üzrə   Müvəkkili (Ombudsman) Səbinə Əliyeva Ankara Medipol Universitetinin dekanı, tanınmış türkiyəli  hüquqşünas, beynəlxalq insan hüquqları üzrə ekspert, professor Ergin Ergül və Mediasiya Şurasının İdarə Heyətinin sədri Nadir Adilov ilə görüş keçirib.Görüşdə   insan   hüquq   və   azadlıqlarının   müdafiəsi,   mediasiya   institutunun   inkişafı, beynəlxalq   təcrübənin   öyrənilməsi   və   tətbiqi,   həmçinin   hüquqi   maarifləndirmə   sahəsində əməkdaşlıq perspektivləri müzakirə olunub.Söhbət zamanı müasir dövrdə süni intellektin hüquqi müstəvidə tətbiqi, bu sahədə mövcud imkanlar və etik məsələlər barədə fikir mübadiləsi aparılıb. Ombudsman   süni   intellekt   texnologiyalarının   tətbiqinin   həm   insan   hüquqlarının qorunması, həm də ictimai nəzarət mexanizmlərinin gücləndirilməsi baxımından yeni imkanlar yaratdığını   vurğulayıb.   Bildirib   ki,   süni   intellekt   konsepsiyasına   keçid   insan   hüquq   və azadlıqlarının təmini və texnoloji tərəqqinin insan hüquqlarına mənfi təsirlərinin minimuma endirilməsi   ilə   şərtlənməli,   bu   sahədə   normativ   baza   və   texnoloji   imkanlar   bir-birini tamamlamalıdır.Professor Ergin Ergül müəllifi olduğu və Azərbaycan dilinə tərcümə olunaraq yeni nəşr edilmiş “Süni intellekt və hüquq” (“Yapay zeka və hukuk”) adlı elmi əsərini təqdim edərək kitabın əsas mövzusu barədə məlumat verib, kitabda insan hüquqlarının müasir çağırışlar fonunda qorunması, beynəlxalq hüququn inkişaf meyilləri və innovativ yanaşmaların geniş şəkildə əks olunduğunu qeyd edib, kitabin Azərbaycan dilində ərsəyə gəlməsində verdiyi dəstəyə görə Ombudsman Səbinə Əliyevaya öz təşəkkürünü bildirib. Görüş   hüquqi   maarifləndirmə   təşəbbüsləri   və   gələcək   əməkdaşlığın   qurulması istiqamətində qarşılıqlı fikir mübadiləsi ilə yekunlaşıb.