Səbail mərhələsinin iştirakçıları məlum oldu

Dünya Qadın Seriyası çərçivəsində avqustun 23-24-də Bakıda 3x3 basketbol üzrə Səbail mərhələsinin oyunları baş tutacaq.

TodayPress TV xəbər verir ki, həmin tarixdə paytaxtın Fəvvarələr Meydanında dünyanın müxtəlif ölkələrindən olan komandalar çempionluq uğrunda mübarizə aparacaqlar.

Yarışda ümumilikdə 16 komanda iştirak edəcək. Onlardan 13-nü milli komandalar təşkil edəcək. Azərbaycanla yanaşı, Çexiya, Polşa, Niderland, Niderland (U-25), Qazaxıstan, Filippin, Monqolustan, Misir, Çin, Benin, Çili və Latviya turnirdə milli heyətlə çıxış edəcək. 

Klub səviyyəsində isə Xorvatiyanın “Zaqreb”, Çinin “Şanxay” və Rumıniyanın “CS Rapid” komandaları tor altında top oynadacaqlar. 

Namiq HUN