Geriləmədən podiuma: Hemilton “Ferrari”nin biabırçı taktik səhvini necə sığortaladı?

“Ferrari” komandasının şərəfini qoruyan yeddiqat “Formula-1” çempionu Lyuis Hemilton Malayziyanın “Sepang” trasında keçirilən Bəhreyn Qran-prisində startda sliklərə keçmək kimi yanlış qərardan sonra komandanın strateqlərinə olan etibarının dəyişib-dəyişmədiyi sualına yumorla cavab verib.

TodayPress TV xəbər verir ki, o, bu barədə yarışdan sonrakı mətbuat konfransında danışıb. 

“Onlarla kazinoya mütləq ki, getmərəm! (Gülür) 

Əlbəttə ki, bizim açıq dialoqumuz olacaq. Komandamla fəxr edirəm. Mexaniklərimiz hər mərhələdə var gücü ilə çalışırlar, mühəndislər də əllərindən gələni edirlər. 

İnkişaf etdirməli olduğumuz sahələr var və bunu bilirik, inkar etməyə çalışmırıq. Düşünürəm ki, bizi konstruktiv söhbət gözləyir. Hər şeyi təhlil edəcəyik, bu həftəsonunun müsbət tərəflərini saxlayacağıq - maşın həqiqətən yaxşı idi - və gələn həftə yenidən mübarizə aparmağa hazır qayıdacağıq”, - deyə Hemilton  bildirib. 

Xatırladaq ki, Lyuis təsnifat mərhələsində ikinci yeri tutmuşdu. Lakin yağışlı hava şəraitində yarışa slik təkərlərlə başlamaq qərarına görə britaniyalı pilot ilk dövrələrdə sıranın sonuna geriləmiş, yalnız tras qurumağa başladıqdan sonra mövqelərini bərpa edərək marşrutu üçüncü pillədə tamamlamışdı. 

Namiq HUN