Enrikenin PSJ-dən ayrılığı üçün tək bir şərt var
“Arsenal” və “Mançester Siti” klublarının keçmiş üzvü Samir Nasri hesab edir ki, Luis Enrike gələcəkdə “Pari Sen-Jermen”dən ayrılarsa, bunun yeganə səbəbi “Barselona” ola bilər.
TodayPress TV xəbər verir ki, bu barədə “Planet PSG” məlumat yayıb.
Nasri məşqçinin hazırda PSJ-də ideal şəraitə malik olduğunu vurğulayıb.
“Luis Enrike ardıcıl ikinci uğurdan sonra ayrıla bilərmi? Əgər bir gün ona “Barselona”dan zəng gəlsə, ürəyinin klubu olduğu üçün geri qayıtmaq istəyə bilər. Hazırda isə onun PSJ-də hər şeyi qaydasındadır. Klub rəhbərliyi ilə münasibətləri yaxşıdır, Luış Kampuşla tam anlaşır. Mən yalnız bir ssenari görürəm: Luis Enrike PSJ-dən yalnız “Barselona” onu dəvət edərsə ayrıla bilər”, – deyə Nasri bildirib.
Qeyd edək ki, daha əvvəl Luis Enrikenin PSJ ilə müqaviləsini 2030-cu ilin yayına qədər uzadacağı barədə məlumat yayılmışdı.
Namiq HUN
