Cek Qriliş Premyer Liqada ayın futbolçusu seçildi
“Everton” klubunun yarımmüdafiəçisi Cek Qriliş İngiltərə çempionatında avqust ayının ən yaxşı oyunçusu adına layiq görülüb.
TodayPress TV xəbər verir ki, bu barədə turnirin mətbuat xidməti sosial şəbəkə hesabında məlumat yayıb.
Qriliş çempionatda üç oyun keçirib. Cek ilk turda “Lids Yunayted”lə qarşılaşmada 71-ci dəqiqədə oyuna daxil olub (0:1). “Brayton” (2:0) və “Vulverhempton” (3:2) matçlarında isə start heyətdə meydana çıxıb. Bu oyunlarda yarımmüdafiəçi dörd məhsuldar ötürmə ilə yadda qalıb.
Qeyd edək ki, hazırda “Everton” İngiltərə Premyer Liqasının üç turundan sonra 6 xalla turnir cədvəlinin 6-cı pilləsində qərarlaşıb.
Namiq HUN
