Badmintonçumuz “Czech Open” turnirində üçüncü oldu
Milli komandanın lideri Edi Reski Dviçayo Çex Respublikasının paytaxtı Praqada fəxri kürsüyə yüksəlib.
TodayPress TV xəbər verir ki, o, International Challenge kateqoriyalı "Czech Open" beynəlxalq turnirində bürünc medal qazanıb.
Mübarizəyə əsas mərhələdən start verən Edi ilk görüşündə fransalı Valentin Singeri mübarizədən kənarlaşdırıb - 2:0 (21-12,21-13). Edi 1/8 finalda Hindistan təmsilçisi Dalal Şaşvatı 2:0 (21-12, 21-19) məğlub edib. 1/4 finalda isə hər iki setdə ispaniyalı Pablo Abiandan üstün olan badmintonçumuz (21-15,21-14) yarımfinala yüksəlməklə bürünc medalı təmin edib. Edi Reski Dviçayo finalın bir addımlığında İndoneziya badmintonçusu Məhəmməd Yusufa uduzub 0:2 (14-21, 17-21).
Namiq HUN
