Azərbaycan avarçəkənlərinin Türkiyə uğuru
Azərbaycan Kanoe və Avarçəkmə Federasiyasının idmançıları ilk dəfə olaraq “Draqon” qayıqlarında beynəlxalq turnirdə iştirak ediblər.
TodayPress TV xəbər verir ki, mayın 23-25-də Türkiyənin Samsun şəhərində təşkil olunan “Samsun Draqon Festivalı”nda 11 oğlan idmançımız mübarizə aparıb.
Komandamız yarışları bir qızıl və bir gümüş medalla başa vurub. Festivalın ilk günündə 200 metr məsafədə keçirilən yarışlarda Azərbaycan komandası bütün rəqiblərini qabaqlayaraq fəxri kürsünün ən yüksək pilləsinə qalxıb.
Son yarış günündə də avarçəkənlərimizin çıxışı uğurlu alınıb. Komandamız bu dəfə 1000 metr məsafədə keçirilən yarışda gümüş medalla kifayətlənib.
Namiq HUN
