Naxçıvanda külli miqdarda siqaret və psixotrop dərman aşkar edildi

Naxçıvanda gömrükdə külli miqdarda siqaret və psixotrop dərman preparatı aşkar edilib.

Bu barədə Dövlət Gömrük Komitəsindən TodayPress TV-yə verilən məlumata görə, Naxçıvan Baş Gömrük İdarəsinin əməkdaşları tərəfindən “Culfa” və “Naxçıvan Karqoterminal” gömrük postlarında yük nəqliyyat vasitəsinə gömrük yoxlaması tətbiq edilib.

Yoxlama zamanı gömrük orqanına bəyan edilməyən, Azərbaycan Respublikasına məxsus məcburi nişanlanma ilə nişanlanmayan 80 000 ədəd siqaret və 100 ədəd psixotrop tərkibli “Alprazolom” dərman preparatı və 177 qutu müxtəlif növ dərmanlar aşkar edilib.

Faktla bağlı araşdırma aparılır.