Zelenski Ukraynanın Aİ yanında yeni nümayəndəsini təyin etdi

Ukrayna Prezidenti Volodimir Zelenski sabiq Avropaya inteqrasiya məsələləri üzrə baş nazirin müavini Taras Kaçkanı ölkənin Avropa İttifaqı və Avropa Atom Enerjisi Birliyi yanında nümayəndəsi təyin edib.

TodayPress TV-nin Ukrayna Prezidentinin rəsmi saytına istinadən verdiyi məlumata görə, müvafiq fərman artıq dərc olunub.

Sənədə əsasən, Taras Kaçka Ukraynanı Aİ və Avropa Atom Enerjisi Birliyi yanında təmsil edəcək.

Əvvəllər Ali Radanın deputatı Yaroslav Jeleznyak bəyan etmişdi ki, iyul ayında Kaçka Avropaya inteqrasiya məsələləri üzrə baş nazirin müavini vəzifəsindən azad edilib.

Bununla yanaşı, "The Guardian" qəzeti iyunun ondördündə Avropa İttifaqındakı mənbələrə istinadən xəbər vermişdi ki, Ukrayna on bəndlik planla nəzərdə tutulmuş islahatların yalnız on beş faizini icra edib. Bu plan iki min iyirmi beşinci ilin dekabrında genişlənmə məsələləri üzrə avrokomissar Marta Kos və o zaman baş nazirin müavini vəzifəsini tutan Taras Kaçka tərəfindən razılaşdırılmışdı.

Gültac Mehdizadə