Yaponiyada işsizlik səviyyəsi dəyişmədi

Yaponiyada 2025-ci ilin iyun ayında işsizlik səviyyəsi dəyişməyərək 2.5 faiz olub və ardıcıl dördüncü ay stabil qalıb.

TodayPress TV xəbər verir ki, bu barədə ölkənin Daxili İşlər və Kommunikasiya Nazirliyi məlumat yayıb.

Açıqlamaya görə, məşğul əhalinin sayı 0.1 faiz azalaraq 68.32 milyon nəfər təşkil edib. İşsizlərin sayı isə dəyişməyərək 1.72 milyon nəfər səviyyəsində qalıb.

Nazirlik bildirir ki, işsizlərdən 800 min nəfər öz istəyi ilə işdən ayrılıb – bu, mayla müqayisədə 9.6 faiz artım deməkdir. Eyni zamanda, 350 min nəfər işdən çıxarılıb – bu isə aylıq müqayisədə 14.6 faiz azalma deməkdir.

Səhiyyə, Əmək və Sosial Rifah Nazirliyinin ayrıca hesabatında bildirilir ki, iyun ayında iş imkanları nisbəti 0.02 bənd azalaraq 1.22 olub. Bu, hər 100 iş axtarana 122 vakant yerin düşdüyünü göstərir.

Nazirlik rəsmisinin sözlərinə görə, bəzi şirkətlər ABŞ administrasiyası tərəfindən tətbiq olunan yeni tariflərin təsiri ilə bağlı qeyri-müəyyənlik səbəbindən işə qəbul prosesini müvəqqəti dayandırıb.

Qiymət Mahir