Papanın doğulduğu ev hərraca çıxarıldı

Papa XIV Leonun böyüdüyü Çikaqo şəhərətrafı evi hərraca çıxarılıb.

TodayPress TV xəbər verir ki, bu barədə "The Independent" məlumat yayıb.

Kottec şəhərin cənubunda, Dolton ərazisində yerləşir. Lotun başlanğıc qiyməti 250 min dollardır. Evdə beş yataq otağı, iki vanna otağı var və kiçik bir bağça ilə əhatə olunub.

Ev sahibləri bu ilin yanvarında evi 219 min dollara satmağa cəhd ediblər.

Lakin kardinal Robert Prevost Vatikanın yeni rəhbəri seçildikdən sonra kottec satışdan çıxarılıb.

İndi ev sahibi ümid edir ki, pontifikin yaşadığı ev turistik məkana çevriləcək.

Qeyd edək ki, satış iyun ayında onlayn auksion vasitəsilə başlayacaq.

Töhfə Səməd