Nyu-York polisi dini obyektlərin təhlükəsizliyini gücləndirəcək
ABŞ-nin paytaxtı Vaşinqton şəhərinin Şimal-Qərb məhəlləsində Paytaxt Yəhudi Muzeyinin qarşısında İsrail səfirliyinin iki əməkdaşının ölümü ilə nəticələnən atışmadan sonra Nyu-York şəhərinin hüquq-mühafizə orqanları dini obyektləri və mədəniyyət müəssisələrini qorumaq üçün əlavə bölmələr yerləşdirəcək.
TodayPress TV-nin xəbərinə görə, bu barədə Nyu-York polisinin “X” sosial şəbəkəsində məlumat verilib.
“Nyu-York şəhəri ilə heç bir əlaqəsinin olmamasına baxmayaraq, Vaşinqtonda yəhudiləri və İsrail vətəndaşlarını hədəf alan dəhşətli hücuma cavab olaraq, şəhər polisi əlavə magistral patrullar, ağır silah qrupları və terrorla mübarizə bölmələri ilə dini obyektlərdə və mədəniyyət müəssisələrində mövcudluğunu gücləndirəcək” məlumatda bildirilib.
Daha əvvəl ABŞ Ədliyyə Departamentinin katibi Pam Bondi qeyd edib ki, səlahiyyətlilər atəş açmaqda şübhəli bilinən şəxsin təkbaşına hərəkət etdiyini və hazırda həbsdə olduğunu bildirib.
ABŞ-də paytaxt Vaşinqtonun Şimal-Qərb məhəlləsində Paytaxt Yəhudi Muzeyinin qarşısında İsrail səfirliyinin iki əməkdaşı güllələnib. Şəhərin polis rəisi Pamela Smitin sözlərinə görə, onlar muzeydə keçirilən tədbirdən çıxarkən Çikaqodan olan 30 yaşlı Elias Rodriqez tərəfindən öldürülüb.
