Meksikada 14 yaşlı alpinist vulkana çıxarkən öldü
Meksikada xilasedicilər sönən vulkanının yamacında 14 yaşlı yeniyetmənin donmuş meyitini tapıblar.
TodayPress TV xəbər verir ki, bu barədə "The Sun" məlumat yayıb.
Paolo Sanchez Carrasco adlı gənc təkbaşına, bələdçisiz və avadanlıqsız şəkildə dağa qalxmağa qərar verib.
Qısa müddət sonra onunla əlaqə kəsilib. Axtarış-xilasetmə əməliyyatı başladılıb və üç gün sonra gəncin cəsədi təxminən 4,700 metr yüksəklikdə tapılıb. Hadisə baş verən vaxt bölgədə güclü tufan olduğu bildirilir.
Polis faktla bağlı araşdırma aparır. Bildirilir ki, Paolo dağlara çıxmağı çox sevirmiş və tez-tez tək gəzintilərə gedirmiş.
Türkan İsgəndərli
