Leninqradda vaqonlar relsdən çıxdı
Leninqrad vilayətinin Stroqanovo-Mşinskaya bölgəsində üç boş yük qatarı vaqonu relsdən çıxıb.
TodayPress TV AZƏRTAC-a istinadən xəbər verir ki, hadisə nəticəsində şəhərətrafı 7 qatarın hərəkəti müvəqqəti olaraq dayandırılıb, eləcə də iki “Lastoçka” qatarının (Pskov-Sankt-Peterburq və Sankt-Peterburq-Peçorı) hərəkət istiqaməti dəyişdirilib.
Bununla əlaqədar olaraq onlar iki saat gecikir.
Regionun qubernatoru Aleksandr Drozdenko bildirib ki, hadisə ilə əlaqədar müstəntiqlər təxribat versiyasını yoxlayırlar.
“Bundan əlavə, Leninqrad vilayətinin Qatçina dairəsindəki Semrino stansiyası yaxınlığında teplovoz relsdən çıxıb, sürücü həlak olub”, - deyə qubernator qeyd edib.
