İsrail diplomatik karvana hücumu təsdiqlədi

İordan çayının qərb sahilində yerləşən Ceninə gedən xarici diplomatların karvanına xəbərdarlıq atəşi açılıb.

TodayPress TV xəbər verir ki, bu barədə İsrail Müdafiə Qüvvələri (IDF) məlumat yayıb. 

Ordunun açıqlamasında bildirilir ki, nümayəndə heyəti təsdiq olunan marşrutu tərk edərək icazəsiz əraziyə daxil olub. Ərazidə olan əsgərlər yaxınlaşmamaq üçün xəbərdarlıq atəşi açıblar.

Hadisədən sonra karvanda diplomatik nümayəndə heyətinin olduğu müəyyənləşdirilib. Ordu bildirib ki, hadisə nəticəsində xəsarət alan olmayıb və baş verən insidentə görə təəssüf ifadə olunub.

İsrail tərəfi nümayəndə heyətini göndərən ölkələrlə danışıqlar aparmağı planlaşdırır.

Türkan İsgəndərli