Fələstin BRICS-ə üzv olmaq üçün ərizə verdi
Fələstin BRICS təşkilatına tam hüquqlu üzv olmaq üçün rəsmi ərizə təqdim edib.
TodayPress TV xəbər verir ki, bu barədə Fələstinin Rusiyadakı səfiri Əbdülhafiz Nofəl deyib.
Səfir bildirib ki, Fələstinin tam üzv olmaq üçün müəyyən şərtləri var. O, cavab gözlədiklərini və hələlik Fələstinin BRICS tədbirlərində qonaq qismində iştirak edəcəyini bildirib.
Qeyd edək ki, təşkilat 2006-cı ildə Rusiya, Çin, Hindistan və Braziliya tərəfindən yaradılıb. Cənubi Afrika 2011-ci ildə, Misir, BƏƏ, Efiopiya və İran isə 2024-cü ildə üzv olub. İndoneziya 2025-ci ilin əvvəlindən təşkilata daxil olacaq. Belarus, Qazaxıstan, Malayziya, Özbəkistan kimi ölkələr isə BRICS-in tərəfdaşıdır.
Türkan İsgəndərli
