Əbu-Dabi danışıqları təxirə salındı

Dünya

01.02.2026 15:59

Ukrayna Prezidenti Volodimir Zelenski Rusiya ilə Ukrayna arasında bu gün Əbu-Dabidə keçirilməsi planlaşdırılan danışıqların baş tutmayacağını açıqlayıb.

TodayPress TV xəbər verir ki, o, müvafiq mesajı özünün "Telegram" kanalında paylaşıb.

"Qrupumuz indi məlumat verdi ki, danışıqlar olmayacaq. Növbəti üçtərəfli görüşlərin tarixləri müəyyən edilib: 4 və 5 fevralda Əbu-Dabidə", - deyə o yazıb.

Zelenskinin sözlərinə görə, Ukrayna əsaslı müzakirələrə hazırdır və nəticənin Rusiya-Ukrayna müharibəsini real və ləyaqətli sona yaxınlaşdıracağına əmin olmaqda maraqlıdır.

TodayPress TV

tag: Volodimir Zelenski ,Əbu-Dabi,Ukrayna,Rusiya,Todaypress.tv,