Birləşmiş Krallıqda yaşamaq üçün ən əlverişli şəhər müəyyən edildi

Birləşmiş Krallığın Norviç şəhəri tarixi ab-havası və şəhər dinamikası sayəsində yaşamaq üçün ən yaxşı şəhər seçilib.

TodayPress TV xəbər verir ki, şəhər “The Sunday Times” qəzetinin 2026-cı il üçün yaşamaq üçün ən yaxşı yerlər siyahısında 71 digər məkanı geridə qoyaraq birinci olub.

Münsiflər heyəti seçim zamanı məşhurluq və yüksək daşınmaz əmlak qiymətlərindən daha çox güclü icma ruhuna və inkişaf edən yaşayış mühitinə malik şəhərlərə üstünlük verildiyini bildirib.

Qeyd olunub ki, münsiflər siyahıya daxil edilən bütün məkanları şəxsən ziyarət edərək məktəblər, nəqliyyat, internet sürəti və mobil rabitə kimi meyarlar üzrə qiymətləndirmə aparıblar.

Şərqi İngiltərə regionunda digər seçilən yerlər sırasında Esseksdə yerləşən Çelmsford, Manningtri və Saffron Valden, həmçinin Bedford, Kembric və Safolkda yerləşən Vudbric də yer alıb.

TodayPress TV