ABŞ-də texniki nasazlıq səbəbindən 1000-dən çox uçuş gecikdi
ABŞ-də "United Airlines" aviaşirkəti texniki nasazlığa görə əsas hava limanlarında uçuşları dayandırıb.
TodayPress TV xəbər verir ki, bu barədə "Associated Press" məlumat yayıb.
Məlumata görə, 1000-dən çox reys gecikib.
Problem şirkətin "Unimatic" adlı uçuş məlumat sistemində baş verib. Bu sistem çəki, balans və uçuş vaxtı kimi vacib məlumatları idarə edir.
Texniki nasazlıq Çikaqo, Denver, Nyuark, Hyuston və San-Fransisko hava limanlarında uçuşlara təsir edib. Problem aradan qaldırılsa da, bəzi gecikmələr cümə axşamına qədər davam edib.
"United Airlines" sərnişinlərə bildirib ki, təhlükəsizlik əsas prioritetdir və uçuşlar tezliklə bərpa olunacaq.
Türkan İsgəndərli
